Skip to content
不知不覺5年了，我已完全習慣現在的生活，每年感恩節都反思香港生活。的確感恩，多謝我的學生，令我變得有存在價值。
Queenie 一個每天練琴兩小時，不停聽Recording, 時常去歐洲追尋音樂，進步神速。每首樂曲我只要求每個KEY寫I，IV，V，佢會做突比我，寫埋Inversion,做埋Circle of fifth, 自己出埋成套筆記，我直頭想借佢去影印。教佢貝多芬，佢學完不單只，仲會送多個Scarlatti同 Czerny。其實你有晒做老師和學者的條件，希望有一天，我會幫你完成入音樂系既夢想。 多謝你每逢學琴週年，去旅行都送我禮物。
Chella 高材生，一個彈乜都有Musical Sense, taste, style既鋼琴老師。要幫她考入英國皇家音樂學院的音樂演奏學士。 聰明伶俐一點就明，有效率練琴。就係咁完美既學生，我先可以將我既20世紀秘技，旁門左道傳授比佢。每次我地試驗完，都必定會大笑一餐，是我既歡樂小姐。 從來唔敢幫學生揀Mozart 考試，從來冇乜學生敢挑戰20世紀，你是例外，我要幫你衝破它。 多謝你既日本手信，清酒CAKE，我差啲用黎煮蛽。再多謝你既日本手信香蕉CAKE。第一個學生問我食唔食蕉，諗起都好笑。哈哈哈。
Carrie 進步神速，吸收力強，我唔使出聲已經幫我Book 位搞Talk, 拎PIZZA搞Studio Recital+Party，係我既好幫手，又係一個練極琴都唔厭既學生。
Manda 一位受人敬重的鋼琴老師，超級勤力練琴，有交帶，自理能力高，分析力強。多謝你送給我的文具，哈，我啲筆唔夠尖，果然係好老師。 Jenny Technique同速度驚人，Finger work 天下無敵，將Czerny演繹得淋漓盡致，無論幾忙，飛到地球每一個角落，都可以練到琴同準時交到貨既學生。佩服。
文泰 破例收既初級學生，因為太有誠意。仲學緊睇譜時，只係學左三堂我已教佢彈JAZZ同improvise. 好多學生是轉過來跟我學的，普遍現像是只懂看譜彈，文化History, culture, 樂理，分析，背譜，分句，大細聲，手部動作乜都唔知。呢個學生是我既新試驗品，由一級起，全部教晒佢。我會用心為你度身訂造課程。
樂樂 每一堂見你突破自己，增強自信，慢慢進步，我知道你需要MTT。
仲有好多學生想多謝同感恩，不能詳錄，我好鍾意教你地，其實你地先係我既老師。
這一年在香港過得充實，有意義，幸福。做演奏家很孤獨，做音樂老師卻活得精彩，未夠。 音樂對我來說已經見頂了，人生還有很多可能性，應徵餐廳，教會生活，結婚生仔，義工。我唔想出名，唔想發達，只想繼續我的奇妙人生旅程。
Thanksgiving 2014
