暑假留在香港實在太委屈自己, 所以我答應自己一定要食晒全香港最好味的食肆.   過去一周吃過文華東方酒店龍蝦, 中環Miso 龍蝦刺身, 反而不夠學生送上門的homemade龍蝦意粉+蕃茄手打肉丸好及感動.   多謝學生一大清早為我烹調美味的食物. MTT最愛Homemade dish, 多謝您!   30/7

中英普通話多聲道 講左兩星期普通話來授課, 今日班鬼仔鬼妹返來, 我轉唔到channel, 好似唔識講英文咁. 雖然我識兩文三語授課, 但不能馬上轉台. 我d 學生唔同國籍, 也有些同胞們, 講唔同話同備課頭也暈了.   學生好乖, MTT的期好爆, 佢話聽日非繁忙時間飛的來找我, 好掛住上我堂, 明天獎他我的飯盒啦.   另一個乖學生幫我接演奏JOB, party 彈琴, 恨左我好耐, 佢仲幫我抬高價tim, 叫我收貴d, 爆笑. 咁MTT要搵定D 靚裙, 練返好D 樂曲先得.   累透了, 一星期七個工作天, 超忙.   30/10

   上圖: 米芝蓮學生親手整比Miss Tang Tang 的生日蛋糕   我很幸福, 很多學生會派司機接我去他們的家教琴. 今天同司機經過一間米芝蓮, 他細訴40年前的往事. (我講的100%屬實, 佢講的我就唔知)   故事是這樣的, 他到法國探朋友, 而這位朋友專程邀請了一位認識十多年的法國朋友(原來是米芝蓮老闆)試司機煮的酸甜魚, 司機一邊向我講解每度菜怎樣煮, 怎樣用熱湯淋熟, 怎樣造汁, 怎樣淋上去, 怎樣切, 煮一碟好菜每個步驟都讓我大開眼界,  然後這米芝蓮老闆帶司機到他餐廳廚比試廚藝的趣事.   司機的陳年舊事娓娓動聽, 讓我想起我的學生, 每天都到朗豪酒店跟米芝蓮大廚, 學整意粉, 甜品, 參加大師班等. 整完當然孝敬Miss Tang Tang 啦, 你說, 做老師多幸福. J   以下是朗豪酒店的food & wine festival, 有興趣跟米芝蓮學廚就click 入去啦, 我學生話冇唐人參加, 似乎香港人只喜歡食. http://www.langhamfoodandwine.com/en/program.html   15/9

上圖:一班學生跟Miss Tang Tang 影合照, 暑假前一天送給我這張特別的咭道別, 大家哭了. :…) 機會是留給有預備的人 兩個月前出發去美國前夕, Miss Tang Tang擔大旗帶住一班年青人舉辦兩場歌唱比賽. 邀請了一隊學生表演嘉賓, 奈何遭音樂聯會否決, 認為她們沒有知名度, 我唯有順應學生表決結果. 不過這隊女子組合沒有灰心, 依然做最好準備, 用行動証明給別人看, 每天放學練歌, 排舞, 彈琴彈結他, 燈光效果gimmick 等. 縱使每天我的工作忙得不可開交, 每次她們叫我看綵排和給予專業意見, 我都義不容辭. 她們是Miss Tang Tang 的小天使, 真的, 可以享受學生的表演是我一生中最大的榮幸. 她們欠缺一個鼓手, 由於她們要求全女班, 於是我就出山跟她們Rock 起來. 表演前數天, 有3隊參加者退出, 她們已做最好的準備, 順李成章頂替退出的同學表演. 機會是留給有預備的人, 我要向學生學習. 13/9